विराटनगर / नयाँ प्रविधिसंगै संसारले आफनो काम र आवश्यत्ता अनुसार पुरा गरीरहेको यो समयमा आज मानव जातीले जे पनी सम्भव गराएको छ । पहीला घर माटोको थियो अहिले सीमेन्ट बालुवा र ढुङगा बाट घरहरु बनीरहेको संसारमानै देखिन्छ । यस्को असर र प्रभाव पछिल्लो समयमा देखिने कुरा छदैछ ।

तेस्तै विराटनगर स्थित बसपार्क नजिकै साढे दुइ तले घरलाई लिफ्टिङ प्रबिधिको प्रयोग गरि उचाल्ने काम भईरहेको छ।

घर अगाडि राजमार्ग निर्माण भएपछि यो घर सडकभन्दा निकै गहिराईमा परेले बर्षा याममा कोठा पानी पस्ने र जम्ने जस्ता समस्या आइ पर्ने गरेको थियो । सय समस्यालाई समाधान गर्न का निम्ति घरधनीले मजदुर लगाई लिफ्टिङ प्रबिधिको प्रयोग गरि घरलाई अग्लो बनाइरहेका छन् ।यस घरलाई अग्लो पार्नका‌ लागी भारत बिहारको सहरसामा रहेको एलबिएल हाउस लिफ्टिङ कम्पनीका प्राबिधिक र मजदुरहरुले उक्त घरको उचाई बढाउने काम गरिरहेका छन । घरलाई अग्लो पार्नका लागी सामान्य फलामको बिम प्रयोग गरिएको छ ।नयाँ घर निर्माणमा लाग्ने खर्चको २५ प्रतिशत खर्चमा पुरानो घरलाई हाउस लिफ्टिङ गर्न सकिने निर्माण कम्पनीका ईन्जिनियर लालचन्द गुप्ताले बताए। यो प्रबिधि भरपर्दो रहेको दाबी गर्दै उनले बितेको केहि बर्षमा आफुहरुको कम्पनीले यहि प्रबिधि प्रयोग गरेर काठमाडौं, जनकपुर, बिरगंज तथा विराटनगर समेत गरेर १ सय ५० बढी घरहरुको उचाई बढाई सकेको जानकारी दिए ।दुइ महिनामा काम सक्नेगरि डेढ महिना अघिबाट यो काम शुरु गरेका प्राबिधिकहरुले फलामे बिमको प्रयोगगरि सो घर ४ फिट उचालि सकेका छन भने मुनिबाट नयाँ जगको निर्माण कार्य समेत गरिरहेका छन् ।१ हजार ७ सय ५० स्क्वायर फिटको सो घर उचाल्न प्राबिधिकहरुले ३ सय बढी फलामको जग प्रयोग गरेका छन भने ३५ जना दक्ष मजदुर खटिएका छन् । आफुहरुले सुरक्षित र ग्यारेण्टी सहित घरहरु उचाल्ने काम गर्दै आएको प्राबिधिक राम भजनको भनाई छ । हाउस लिफ्टिङ कम्पनीले एकतले घर ४ फिटसम्म उचाल्न प्रति स्क्वायर फिट ३ सयका दरले शुल्क लिने गरेको छ । यस्तै दुईतले घर ६ सय रुपैया तथा ७ तले घर भए १५ सय रुपैंया स्क्वायर फिटको दरले चार्ज लाग्ने इन्जिनियर गुप्ताले जानकारी दिएका छन् । यो रकममा उनीहरुले नयाँ जगको निर्माण समेत गरिदिन्छन् ।