विराटनगर / नेपाल उद्मोग वाण्ज्यि महासंघले कोशी प्रदेशमा आयोजना गरेको पहिलो कृषि एक्स्पो हिजो समापन गरिएको छ । सो कृषि एक्स्पो कटहरी वडा नम्बर १ मा रहेको कृषि थोक तरकारी बजारमा ४ दिन सञ्चालन गरिएको सो मेलमा १ लाख भन्दा बढिले मेला अवलोकन गरिएका छन् ।

२०८१ भाद्र २७ देखि ३० गतेसम्म आयोजना गरिएको कृषि एक्स्पोको कोशी प्रदेश प्रदेश र मधेश प्रदेश सहित भारतका कृषि विज्ञ र किसानले अवलोकन गरेका थिए । नेपाल उद्योग वाणिज्य महासंघ कोशी प्रदेश समितिका अध्यक्ष एवं उद्योगी राजेन्द्र राउतले चार दिने कृषि एक्स्पोमा १ लाख भन्दा बढी अवलोकन गरेको सो कार्यक्रममा बताए ।

सो कृषि एक्स्पो कोशी प्रदेश लगायत अन्य प्रदेश बाट आएका विभिन्न कृषि सहकारी तथा कृषि फर्महरुको सहभागिता रहेको एक मेला अवलोकन कर्ताले बताए । करिब आठ सय भन्दा बढि किसान समूहले कृषि एक्स्पोको अवलोकन गरेको र कृषि एक्स्पोको अवलोकन गर्न आउने सबै किसानलाई खाना खुवाइएर पठाइएको छ ।

कृषि एक्स्पोमा नेपाल र भारत गरी १ सय ३० भन्दा बढि स्टल रहेका थिए । महासंघले कृषि एक्स्पोमा सहभागि उत्कृष्ट कृषि स्टललाई आइतबार समापन समारोहमा प्रशंसापत्र प्रदान गरेका थिए ।