

डिग्री क्याम्पस, बिराटनगरके पहिनकर सहायक क्याम्पस प्रमुख सह प्राध्यापक डा. तिलक राम सरदार थारु के ६३ बछरके उमेरमे ह्रदयघात के कारण से २०८१ असार ३ सोम दिन मोरन हेलैस ।
वे गणित बिषयके प्राध्यापक छेलै । पढावे बखत बहुत हसावेक । धरम के ज्ञान भि राखेक ।
वे डिग्री क्याम्पसमे पहिनकर सहायक क्याम्पस प्रमुखके रुपमे दुई कार्यकाल चललकै छल । आर गणित विभाग के विभागिय परमुख के रुप मे काम करलकै छल । डिग्री क्याम्पस बिराटनगर, प्राध्यापक संघ के सदस्य भि हेलै छल ।
आपन ३२ बछर बढखा अध्यापन पेशाके प्रारम्भ तेह्रथुम क्याम्पस, आठराइ तेहुथुम से शुरुवात करलकै छल । वे तेहुथुम क्याम्पसमे १६ बछर से बेसी प्रध्यापन करल कै छल । तकरबाद २०६५ सालमे डिग्री क्याम्पसमे प्राध्यापन करल वे २०८१ बैशाख महिना मे भर्खर त्रि.बि. सेवा से अवकास पेल कै छल । मोरङ, ग्राम गाउपालिका, नेताचोक निवासी सरदारके घरवाली, तीन बेटा हे एक बेटी छै । ओकर दाह संस्कार २०८१ असार ४ गते मंगल दिन लोहन्द्रा लदि मे करल गेलै छल । डा. सरदार के मोरन से थारु समुदाय मे बढका क्षति पुग्लैस ।