विराटनगर / नेपाल खेलकुद महासंघ इनरूवा नगर कमिटीको अध्यक्षमा सरोज बस्नेत निर्वाचित हुनुभएको छ । शनिवार सम्पन्न महासंघको दोस्रो नगर अधिवेशनबाट बस्नेत अध्यक्षमा निर्वाचित हुनु भएको हो ।
नगर कमिटीको उपाध्यक्षमा रिवाज निरौला , इन्दु भट्टराई , सचिवमा कमल उपाध्याय , उपसचिवमा शर्मिला निरौला र नविन चौधरी र कोषाध्यक्षमा सवित्रा घिमिरे निर्वाचित हुनुभएको थियो ।
त्यस्तै , २० सदस्यीय कमिटीमा १३ जना सदस्य पदमा निर्वावित हुनुभएको खेलकुद महासंघ सुनसरीका संयोजक विकल पौडेलले जानकारी दिनु भयो ।
अधिवेशनलाई सम्बोधन गर्दै खेलकुद महासंघका केन्द्रीय अध्यक्ष तथा कोशी खेलकुद विकास बोर्डका सदस्य सचिव कृष्ण ( पर्शुराम ) बस्नेतले नगरकमिटीलाई महासंघको ‘ एक कमिटी , एक खेल गतिविधि ‘ , ‘ एक कमिटी , एक रचनात्मक गतिविधि ‘ पालना हुने गरि काम गर्न निर्देशन दिनु भएको थियो ।
बस्नेतले प्रदेश खेलकुद बोर्डको सदस्य सचिवको रूपमा कोशी प्रदेशका १४ वटै जिल्लामा समूलरूपमा खेलकुद क्षेत्रको विकासमा प्रभाव पार्ने गरि काम गरिरहेको प्रष्ट पार्नु भएको थियो ।
महासंघको नगर कमिटी अधिवेशनमा नेकपा एमालेका केन्द्रीय सदस्य तथा सुनसरी इञ्चार्ज जगदिश प्रसाद कुसियैत , एमाले सुनसरी कार्यवाहक अध्यक्ष पर्शुराम यादव , महासंघ केन्द्रीय सचिव तथा कोशी प्रदेश इञ्चार्ज विप्लव घोष , महासंघ कोशी प्रदेश सह – इञ्चार्ज रोहित कोइरालालगायतले शुभकामना व्यक्त गर्नु भएको थियो ।