विराटनगर / ३०औँ विश्व आदिवासी जनजाति दिवस देशभर सम्पन भएको छ । कोशी प्रदेशको राजधानी विराटनगरमा विभिन्न कार्यक्रम आयोजना गरी ३०औं विश्व आदिवासी जनजाति दिवस मनाइएको छ ।

नेपाल आदिवासी जनजाति महासंघ विराटनगर नगर समितिको संयोजक्त्वमा विराटनगरमा विभिन्न १८ ओटा जातिय समुदायले कार्यक्रमको आयोजना गरी ३० औं विश्व आदिवासी जनजाति दिवस मनाइएको हो ।विराटनगरमा जातिय सामुदायले आफ्नो जातिय पोशकमा सजिएर झाँकी सहित विराटनगरबाट निकालिएको र्यालाीले नगरको विभिन्न भाग परिक्रमा गर्दै संगम पार्टी प्यालेसमा पुगेर कार्यक्रम भएको थियो ।सो औपचारिक आयोजित कार्यक्रममा जनजाति समुदायका समाजसेवी तथा बुद्घिजीवी अगुवा तथा अभियन्ताहरुले विश्वका आदिवासी जनजातिको एकता, ज्ञान सीप, भाषा, भेषभूषा, संस्कृति र परम्पराको संरक्षण गर्नुपर्नेमा जोड दिए ।