एक २१ वर्षीय युवतीलाई होटलमा बलात्कार गरेर फरार भएका विराटनगरका प्रविण अग्रवाल कसरी प्रहरी हिरासतमा पुग्यो भन्ने घटनाले रोमाञ्चक मोड लिएको छ । विराटनगरको रोडशेष चोक र सुनसरीको इटहरीमा मोटर पार्टसको व्यवसायी गरी रहेका प्रविण अग्रवाल असार १ गते शनिबार एक २१ वर्षीय युवतीलाई धनकुटाको भेडेटार पुर्याएर मोजमस्ती गर्दै विराटनगर फर्किएका थिए ।
असार २ गते आइतबार अग्रवालले त्यही युवतीलाई पुनः भेडेटार पट्याएर एक होटलमा मोजमस्ती गर्दै ती युवतीलाई त्यही होटलमा अलपत्र पारेर विराटनगर तर्फ फरार भएका थिए । आफूलाई होटलमा छोडेर अलपत्र पारेको थाहा पाएपछि युवती इलाका प्रहरी कार्यालय भेडेटार समक्ष सहयोग माग्न पुगेका थिए । युवती सँग मोबाइल नम्बर लिएर भेडेटार प्रहरीले अग्रवाललाई भेडेटार बोलाएका थिए । सुरुमा प्रहरीले अग्रवाल सँग मिठो शैलीमा बोल्दै तपाईंले जुन युवतीलाई यहाँको होटलमा छोडेर जानु भयो ।
ती युवतीलाई पुनः ल्याएकै ठाउँमा पुर्याउन आग्रह गरेका थिए । तपाईंले ती युवतीलाई जहाँबाट ल्याउनु भयो त्यही छोड्नु भएन भने बलात्कारको आरोपमा मुद्दा खेप्नु पर्छ । त्यसरी बोलाएर इलाका प्रहरी भेडेटारले अग्रवाललाई बलात्कार तथा जबरजस्ती करणीको अभियोगमा मुद्दा दायर गरेको छ । मधेश प्रदेशको सर्लाही घर भएकी २१ वर्षीय युवती सुनसरीको इटहरीमा सानी आमाको घरमा बस्दै आएकी थिइन ।
सुरुमा प्रविण अग्रवालले जागिर लगाइ दिन्छु भन्दै ती युवतीको नम्बर लिएका थिए । र असार १ गतेदेखि जागिर पक्का भयो भन्दै लगातार २ दिनसम्म भेडेटार घुमाउन लगेर एक होटलमा जबरजस्ती बलात्कार गरेका थिए ।
यस समाचार चिरफार अनलाइन पत्रिका वाट साभार गरीएको हो ।