चालक तथा सह-चालकहरूको स्वास्थ्य परीक्षण, ११ जनामा लागू पदार्थ सेवन पोजेटि मोरङ – ट्राफिक सुरक्षा र सवारी साधन सञ्चालनलाई सुरक्षित बनाउन मोरङ जिल्लाको बेलबारीमा विशेष स्वास्थ्य परीक्षण कार्यक्रम सम्पन्न भएको छ। जिल्ला ट्राफिक प्रहरी कार्यालय मोरङको आयोजना तथा कोशी प्रदेश प्रहरी अस्पताल इनरुवा, सुनसरी र विराट आँखा अस्पताल विराटनगरको सहकार्यमा उक्त कार्यक्रम चैत्र २० गते पूर्व-पश्चिम राजमार्ग अन्तर्गत बेलबारी नगरपालिका-१, ट्राफिक प्रहरी पोष्ट अगाडि सम्पन्न भएको हो।
स्वास्थ्य परीक्षण कार्यक्रममा ११५ जना चालक, सह-चालक तथा स्थानीय नागरिकहरूको रक्तचाप जाँच, आँखा परीक्षण तथा निशुल्क औषधि वितरण गरिएको थियो। साथै, विभिन्न प्रकारका सवारी साधनहरू (ट्रक, टिपर, बस, स्कुल बस, ट्याक्टर, पिकअप, म्याजिक, कार, मोटरसाइकल ,का ५५ जना चालकहरूको लागू पदार्थ सेवन (ला.प.से.) परीक्षण गरिएको थियो, जसमा ११ जनामा लागू पदार्थ सेवन पोजेटिभ देखिएको छ।
जिल्ला ट्राफिक प्रहरी कार्यालय मोरङका प्रमुख प्रहरी निरीक्षक राजन लम्साल का अनुसार, यो कार्यक्रम सडक सुरक्षालाई प्रभावकारी बनाउन तथा दुर्घटनाको जोखिम न्यून गर्न आयोजित गरिएको हो। लागू पदार्थ सेवन पोजेटिभ देखिएका चालकहरूमाथि बेलबारी इलाका प्रहरी कार्यलय मा कारबाहीको लागि राखिएको आवश्यक कानुनी प्रक्रिया अघि बढाइने प्रमुख प्रहरी निरीक्षक राजन लम्साल बताएछ।
प्रहरीका अनुसार, यस्ता कार्यक्रमले सवारी चालकहरूलाई सुरक्षित यात्राका लागि सचेत बनाउने विश्वास गरिएको छ। ट्राफिक प्रहरीको सक्रियताले भविष्यमा पनि यस्ता अभियानलाई निरन्तरता दिने प्रतिबद्धता जनाइएको छ।