विराटनगर / नेपाल उद्योग वाणिज्य महासंघको कोशी प्रदेश महिला उद्यम समितिले आयोजना गरेको तीन दिवसीय ढाका महोत्सव शनिबार सम्पन्न भएको छ। महोत्सव विराटनगरमा बिहीबारदेखि सञ्चालन भएको थियो, जसमा महिलाहरूले ढाका कपडाबाट बनेका तयार पोसाक र अन्य हस्तनिर्मित उत्पादनहरूको प्रदर्शन र बिक्री गरेका थिए।

विराटनगर स्थित जैन श्वेताम्बर तेरापंथ सभा भवनको प्राङ्गणमा ढाका महोत्सव सुरु भएको हो । ढाका महोत्सवमा कोशी प्रदेश भरीका ३० वटा ढाका उद्योगको सहभागिता रहेको थियोे । महोत्सवमा व्यापार र लगानी प्रवर्धन, व्यवसायिक अवसरहरूको बारेमा छलफल र संवाद कार्यक्रमहरू आयोजित गरिएका थिए। साथै, ढाका बुनाइ र तान बुन्ने प्रतियोगिता र फेसन शो पनि प्रस्तुत गरिएको थियो।

महोत्सवको प्रमुख उद्देश्य व्यापार र लगानी प्रवर्धन गर्नु, महिला उद्यमीहरूको क्षमता उजागर गर्नु र व्यवसायिक अवसरहरूको बारेमा छलफल थियो। यस अवसरमा विभिन्न प्रतियोगिताहरू पनि आयोजना गरिए, जसमा ढाका बुनाइ र तान बुन्ने प्रतियोगिता विशेष आकर्षणको विषय बने।
ढाका बुनाइ र तान बुन्ने प्रतियोगितामा तेह्रथुमको फक्तालुङ ढाका कपडा उद्योगकी शान्तिला फुदुङ् पहिलो स्थानमा रहिन्, जबकि झापाको एमएस ढाका सेन्टरकी कृष्णमाया लिम्बू दोस्रो र सुनसरीको दिव्य ढाका उद्योगकी धनकुमारी तामाङ तेस्रो स्थानमा रहिन्। यी उत्कृष्ट सहभागीहरूले क्रमशः ११ हजार, ७ हजार १ सय र ५ हजार १ सय रुपैयाँ र प्रमाणपत्र प्राप्त गरे।

कार्यक्रमको प्रमुख अतिथिका रूपमा विराटनगर महानगरपालिकाकी उपप्रमुख शिल्पा निराला कार्की, नेपाल उद्योग वाणिज्य महासंघको कोशी प्रदेशका अध्यक्ष राजेन्द्र राउत र महिला उद्यम समितिका संयोजक सरु केसी उपस्थित थिए। उनीहरूले विजेताहरूसँगै महोत्सवको समापन समारोहमा पुरस्कार वितरण गरे।

महोत्सवले २५ लाख रुपैयाँभन्दा बढीको कारोबार गरेको जनाएको छ, जुन कोशी प्रदेशका महिला उद्यमीहरूको व्यवसायिक क्षमताको संकेत हो। यसले महिला उद्यमिता र व्यवसायिक विकासमा थप अवसरहरू सिर्जना गर्नका लागि महत्वपूर्ण योगदान पुर्याएको छ। प्रदेश र स्थानीय तहमा ढाका कपडालाई राष्ट्रिय पोसाक बनाउन आगामी आर्थिक वर्षको नीति तथा कार्यक्रम र बजेट मार्फत व्यवस्था गर्न लागिएको
कोशी प्रदेशका मुख्यमन्त्री हिक्मतकुमार कार्कीले ढाका महोत्सवको उद्घाटन गर्दै कोशी प्रदेशमा ढाकाको कपडालाई राष्ट्रिय पोसाक बनाउने आश्वासन दिएका थिए । नेपाली भेषभुषा, हाम्रो बोली, ढाकाको सारी, ढाकाकै चोली
ढाका महोत्सव २०८१ चैत्र ७-९ सम्म आयोजना गरिको थियो ।
आयोजक नेपाल उद्योग वाणिज्य महासंघ कोशी प्रदेश महिला उद्यमी विकास समिति, विराटनगर थियो । सामाजिक विकास मन्त्रालय कोशी प्रदेश प्रवर्द्धक उद्योग, कृषि तथा सहकारी मन्त्रालय, कोशी प्रदेश पर्यटन, वन तथा वातावरण मन्त्रालय, कोशी प्रदेश विराटनगर महानगरपालिका को सहकार्य रहेको थियो । सहयोगी भुमिका Udaya उदय परियोजना ले गरेको थियो ।