दुहबी /सुनसरीको दुहबी वडा नम्बर ४ मा रहेको महेन्द्र मेमोरियल एकडेमी स्कुलले स्कूलबाट विद्यालय शिक्षा परीक्षा (एसइइ) मा सहभागी हुने विद्यार्थीलाई एक कार्यक्रमका बीच परीक्षाको सफलताका लागि शुभकामना साथै फेरि भेटौला कार्यक्रम गरिएको छ । कक्षा ९ मा अध्ययनरत विद्यार्थीहरुले कक्षा १० को अध्ययन पूरा गरी एसइइ परीक्षाका लागि तयार भएका अग्रज विद्यार्थीलाई परीक्षाको शुभकामना व्यक्त गरेका हुन् ।

९ कक्षाका विद्यार्थीहरुले कक्षा १० का विद्यार्थीको सामूहिक तस्वीर भएको फोटो फ्रेम मायाको चिनोको रूपमा प्रदान गरी परीक्षार्थीहरूको हौसला बढाएका थिए। । महेन्द्र मेमोरियल एकडेमी यस वर्षको एसइइ परीक्षामा ८७ जना विद्यार्थी सहभागी हुँदैछन् ।

शुभकामना तथा फेरि भेटौँला कार्यक्रममा ९ कक्षाका विद्यार्थीहरुले सांस्कृतिक नृत्य समेत प्रस्तुत गरेका थिए ।

विद्यालयका प्रिन्सीपल निश्चलराज शाक्य लगायत कक्षा १० र ९ का विद्यार्थीहरूका साथै  शिक्षक, तथा कर्मचारीकाे उपस्थीती रहकाे उक्त शुभकामना तथा फेरि भेटौंला। कार्यक्रममा
बिधालयका साहयक प्रिन्सीपल रमेशबाबु थापाले विद्यार्थीहरूलाई हैसला प्रदान गर्दै उनिहरूकाे आगामी गन्तव्यहरूमा सफलताको शुभकामना दिएका थिए ।