विराटनगर / नेपाल इन्सयोरेन्स प्रोफेसनल्स सोसाईटी (निप्स) कोशीको होली मिलन कार्यक्रम सम्पन्न
नेपाल इन्सयोरेन्स प्रोफेसनल्स सोसाईटी (निप्स) कोशीले होली मिलन कार्यक्रम सम्पन्न गरेका छन् ।
कार्यक्रममा निप्सका पदाधिकारीहरू,नेपाल बीमा प्राधिकरणका कर्मचारीहरुतथा निर्जीवन बीमा कम्पनीका कर्मचारीहरू भेला भई एक आपसमा अबिर र टिका लगाई आपसमा खुसी साटासाट गरी होली खेलेका छन्।
होली मिलन कार्यक्रमको संयोजक केदार बहादुर खत्रीले सहभागीलाई स्वागत गरेका थिए भने नेपाल बीमा प्राधिकरणका सहायक निर्देशक शिव प्रसाद खनाल र निप्सका प्रतिनिधि निशित मिश्रले शुभकामना मन्तव्य राखेका थिए ।
बुधबार, बेलुका ५:३० बजेतिर भेला भएका होली मिलन कार्यक्रम विराटनगरको बरगाछीमा रहेका जिराे पोइन्ट होटलमा भएको कार्यक्रममा निप्सका अध्यक्ष खड्गबहादुर श्रेष्ठ, उपाध्यक्ष प्रदीप बाबु तिवारी, सचिव प्रकाश पोखरेल र कोषाध्यक्ष नारायण गौतम, सरोज पोखरेल लगायत निर्जीवन बीमा, नेपाल बीमा प्राधिकरणका कर्मचारीहरूको उल्लेखीय मात्रामा उपस्थिति रहेको थियो।