इटहरी/नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीले दुर्घटना न्यूनीकरण गर्नका लागी विद्यालयमा विद्यार्थीहरुलाई ट्राफिक सचेतना कार्यक्रम सञ्चालन गरेको छ । ट्राफिक प्रहरीले विभिन्न स्थानका विद्यालयमा पुगेर सचेतना कार्यक्रम सञ्चालन गरेको हो ।
प्रदेश ,जिल्लामा सडक दुर्घटनाका घटनामा वृद्धि हुन थालेपछि विद्यालयस्तरबाट नै ट्राफिक सचेतना दिएर दुर्घटना न्यूनीकरण गर्ने उद्देश्यले ‘विद्यार्थीसँग ट्राफिक प्रहरी’ कार्यक्रम सञ्चालन गरिएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीका ट्राफिक प्रहरी सहायक निरिक्षक नारायण प्रसाद लुईटेलले बताए ।
सुनसरीको इटहरी उपमहानगरपालिका वडा नम्बर ८ मा रहेको गोदावरी बिध्या मन्दिर बोडिङ स्कुलमा ट्राफिक सचेतना कार्यक्रम आयोजना गरिएको छ ।प्रिन्सिपल डिबि बस्नेतले ट्राफिक प्रहरीसँगको सहकार्यमा ७ देखी ९ कक्षासम्मका विद्यार्थीका लागि ट्राफिक जनचेतनामूलक कार्यक्रम गरिएको जानकारी दिए । उनका अनुसार कार्यक्रममा विद्यार्थीलाई ट्राफिक नियम, ट्राफिक चिन्ह, दुर्घटनाको जोखिम न्यूनीकरणका उपायहरू, नियम उल्लंघन गर्दा हुने दण्ड सजाय तथा ट्राफिकसँग सम्बन्धित अन्य विषयहरूमा आवश्यक जानकारी दिइएको थियो ।नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीको सहकार्यमा कार्यक्रम गरिएको जानकारी बस्नेतले दिए ।
डिबि बस्नेत अनुसार नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीका ट्राफिक प्रहरी सहायक निरिक्षक नारायण प्रसाद लुईटेलको टोलीले विद्यार्थीलाई ट्राफिक नियम सम्बन्धी जानकारी गराएको हो । ट्राफिक प्रहरीले विद्यार्थीलाई श्रव्यदृश्य सामग्रीसहित प्रशिक्षण दिने गरेको छ ।‘सवारी दुर्घटना दिन प्रतिदिन बढ्दो छ । दुर्घटना न्यूनीकरण गर्ने उद्देश्यले विद्यार्थीलाई प्रशिक्षण दिने गरिएको हो,’ उनले भने ।प्रदेश,जिल्ला ,पालिका गाउँपालिमा रहेका सामुदायिक र निजी विद्यालयमा विद्यार्थी लक्षित प्रशिक्षणलाई तीव्र पारिएको
स्कुलस्तरबाट नै विद्यार्थीहरुलाई ट्राफिक नियमसम्बन्धी सचेतना दिएर सवारी दुर्घटना न्यूनीकरण गराउने उद्देश्यका साथ कार्यक्रमलाई अगाडि बढाइएको उहाँको भनाइ छ ।
मुख्य गरी सहरी क्षेत्रका विद्यालयका विद्यार्थिहरुले व्यस्त सडक र राजमार्ग पार गरेर आवागमन गर्नुपर्ने अवस्था रहेकाले ‘विद्यार्थीसँग ट्राफिक प्रहरी’ कार्यक्रमले उनीहरुलाई दुर्घटनाबाट जोगाउन सहयोग पुग्ने ट्राफिक प्रहरीले अपेक्षा गरिएको छ ।
जनचेतनामूलक कार्यक्रममा अभिभावक समाजसेवी मनमाया ढकाल यादब ,पत्रकार चन्दन रौनियार ,शिक्षक / शिक्षिका लगायत बिधार्थिहरुको उल्लेखनीय उपस्थित रहेको थियोे ।