दुहबी / बर्सेनि फागुन शुक्ल प्रतिपदाका दिन शेर्पा समुदायले मनाउने सांस्कृतिक पर्व ग्याल्पो ल्होसार विविध कार्यक्रम आयोजना गरी आज मनाइँदै छ ।शेर्पा समुदायले नयाँ वर्ष २१५२ का रूपमा ग्याल्पो ल्होसार मनाउन लागेका हुन् । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र बराह गरी १२ वर्गमा ग्याल्पो ल्होसारलाई विभाजन गरिएको छ ।सुनसरीको दुहबीमा रहेको महेन्द्र स्कुलमा ग्याल्पो ल्होसारको अवसरमा  जातिय पोसाक प्रतियोगिता विभिन्न कार्यक्रम गरि सम्पन्न गरेको छ ।,विद्यालयले ‘सामाजिक विषयको पाठ्यक्रममै जात, धर्म, संस्कार, संस्कृति, बाजागाजा र पोसाकको पढाइ गर्नुपर्ने हुन्छ। त्यसैको सिलसिलामा यी विषयहरूको व्यावहारिक ज्ञान दिन यस्तो प्रतियोगिता आयोजना गरेका हौँ’, प्रधानाध्यापक निश्चल राज शाक्यले भने‘कक्षा १ देखि १० सम्म नै तस्बिर देखाएर यो फलानो जातिको पोसाक भनेर देखाउनु, चिनाउनु, पढाउनुभन्दा यस्तो कार्यक्रमहरु गर्दा मोडल बन्छ। त्यहीँ सिकाइ हुन्छ।’यस्ता प्रतियोगिता तथा कार्यक्रमहरुले पोसाक लगाउने सीपको विकास हुनुका साथै औपचारिक शिक्षाको व्यावहारिक ज्ञान हुने विद्यालयको ठम्याइ छ। आफ्नो पोसाकबारे जानकारी पाउँदा नयाँ पुस्ताबाट संस्कृति र परम्पराको निरन्तरता हुने देखिएको र आफ्नो पहिचान आफ्नो भेषभूषा प्रति बालबालिकाहरू सजग रहन् र गौरव गरुन् भन्ने उद्देश्य राखेर महेन्द्र मेमोरियल एकेडेमीको बाल क्लब सुनौला हातले उक्त कार्यक्रम गरेको विद्यालय साहयक प्रिन्सिपल रमेशबाबु थापाले बताए । उक्त प्रतियोगितामा प्रथम ,दोस्रो, तेस्रो र सान्त्वना हुने बालबालिकाहरू क्रमशः दिया राई, नितेश दत्त प्रथम पुरस्कार प्राप्त गर्न सफल भए भने विनिशा बस्नेत ,सुमृता चौधरी र तम्मन्न खातुनले दोस्रो पुरस्कार हात पार्न सफल भए त्यसैगरी ओसन बानिया ,फाएज मियाले तेस्रो पुरस्कार र
सान्त्वना पुरस्कार ,हरसिका राजवंशी ,क्रिस्टिना उराँव लगायत लाई मेडल, ट्रफी तथा प्रमाणपत्र र अन्य पुरस्कार बितरण गरेको थियोे ।

उक्त कार्यक्रम महेन्द्र मेमोरियल एकेडेमी दुहबी सुनसरीको बाल क्लब सुनौला हातहरू ले गरेको थियो।