विराटनगर/ नेपाल प्रिमियर लिग (एनपीएल) क्रिकेट प्रतियोगितामा आज बुधबार प्लेअफ चरणका दुई महत्त्वपूर्ण खेलहरू हुँदैछन्।
पहिलो खेल बिहान ९ बजे त्रिवि क्रिकेट मैदान, कीर्तिपुरमा तेस्रो स्थानको चितवन राइनोज र चौथो स्थानको कर्णाली याक्सबीच हुनेछ।
विजेता: दोस्रो क्वालिफायरमा स्थान बनाउनेछ।
पराजित: प्रतियोगिताबाट बाहिरिनेछ।
दोस्रो खेल: सुदूरपश्चिम रोयल्स र जनकपुर बोल्ट्स
दोस्रो खेल दिउँसो १ बजे शीर्ष स्थानको सुदूरपश्चिम रोयल्स र दोस्रो स्थानको जनकपुर बोल्ट्सबीच हुनेछ।
विजेता: फाइनलमा सिधै प्रवेश पाउनेछ।
पराजित: दोस्रो क्वालिफायरमा प्लेअफ विजेतासँग भिड्नेछ।
दोस्रो क्वालिफायर भोलि बिहीबार दिउँसो १२ बजे हुनेछ।फाइनल खेल आउँदो शनिबार हुनेछ।आजका खेलहरूले फाइनल यात्रा सुनिश्चित गर्न टोलीहरूबीचको कडा प्रतिस्पर्धा हुने अपेक्षा गरिएको छ।
