विराटनगर / विराटनगरको एन आई टि टेक्नोलोजी कलेजमा यस शैक्षिक सत्र आर्थिक वर्षमा ७० जना बिद्मार्थीहरु नयाँ भर्ना भएका छन् । विराटनगरको वडा नम्बर ४ मा स्थायी भवनमा रहेको नेशनल ईन्स्टिच्यूट अफ टेक्नोलोजी एण्ड आई टि कलेजले नयाँ शैक्षिक सत्रका विद्मार्थिहरुलाई स्वागत गरेका छन् ।

प्राविधिक शिक्षा अध्यापन गर्दै आइरहेका एन आई टि कलेजले बुधवार एक औपचारिक कार्यक्रमको आयोजना गरि नव आगन्तुक बिद्मार्थीहरुलाई स्वागत गरिएको हो । नयाँ शैक्षिक सत्र २०८१ र ०८२ मा ७० जना भर्ना भएका बिद्मार्थीहरु मध्य सामान्य चिकित्सकमा ४० र ल्याब टेक्निसियनमा ३० जना बिद्मार्थी भर्ना भएको एन आई टि कलेजका प्रिन्सिपल जितेन्द्र झाले बताउनुभयो ।

सो कार्यक्रमको प्रमुख अतिथि सिटिभिटि का कोशी प्रदेशका निर्देशक संजय कुमार न्योपानेले एन आई टिका निर्देशक झा र व्यवस्थापन समितिका बिपुललेन्द्र झालाई सम्मान गरेको थियो । सो कार्यक्रममा बिद्मार्थीहरुले सांस्कृतिक नृत्य समेत प्रस्तुत गरेका थिए ।