दशैं आयो भन्दै रमाउने त्यो बालापनको समय ,अब भने खल्लो लाग्छ,

टाउकोको जमरा निदार मा टिका टिलिक्क सल्काएर हिड्ने बालापन,आज भोली मन अन्तै भाग्छ।।

परिवार पाल्ने सपना हेर्दै जाने तयारीमा म,

दशैं आउन भन्दा पनि भिसा आए कति खुशी हुन्थे होला जस्तो लाग्छ।।

जति बढ्यो उमेर, उति घट्यो चाडको उत्साह,

धेरैजसो समय अब, खर्चिन्छु सपना सँगको संघर्षमा।

दशैंमा रमाउने बालापन कहाँ हरायो कुन्नि,

मन भित्रको त्यो पवित्र खुशी अब कतै लुकेको छ जस्तो लाग्छ।।

घरको ऋण तिर्नलाई भएपनि ऋण काढेर विदेश जानुपर्ने बाध्यता,

यसरी नै विदेश जान मात्र एयरपोर्टमा लाइनमा बसेका हुन्छन् नेपाली जनता ।।

यस पालि त यस्तै भयो अागामी दिनमा मजाले मनाउला चाँड पर्व,

बा आमाको सपना पुरा गर्नपाए मलाई हुन्थ्यो आफैमा निकै गर्व।।

टिका-जमरा देख्दा मस्किन्थे ती नानीहरु,

अब म चाहन्छु पासपोर्टमा ठप्पा लागेको मुभ।घ

रको सपना पूरा गर्न, म बस्नुपर्छ कतार या मलेसिया,

रिस्कसँगै जोडिन्छ मेरो जिन्दगीको नयाँ यात्रा।।

विदेशमा बसेर पठाउने चिठीले खुशी दिन्थ्यो परिवारलाई,

तर आफ्नो चाडपर्व हरेक पटक बन्छ एक्लोपनाको छाया।

बा-आमाको सपना बोकेर, म हिँड्छु अन्जान यात्रामा,

बाँच्न र जित्नकै लागि मैले सम्झौता गरें, मेरो आफ्नै मायामा।।

तर मनभित्र गाडिएको आशा अझै मेटिएको छैन,

कहिलेकाहीं म सोच्दै छु, फेरी कुनै दिन फर्किनेछु आफ्नै गाउँ।।

त्यस बेला दशैंको टिका लगाएर, गर्वले मस्कने छु,

बा-आमालाई खुशी देखेर, मनभित्रको आँसु पनि थामिनेछ।।

अब चाहिँ दशैंको त्यो रमझम पक्का गरौंला,

जब सबै सपना पूरा हुनेछन्, अनि चाडपर्वमा रमाउँला!

शायद त्यो दिन साँच्चै दशैंको खुशी फर्किनेछ,

जब मैले विदेशको बोझ फालेर, आफ्नै घरमा रमाउनेछु।।